Abaoe 1951 — An Alré, Breizh

Kevrenn Alré

Name: Asamb' en Alré
Location: Auray

Abaoe 75 vloaz e laka Kevrenn Alré sevenadur Breizh da dridal dre ar muzik hag an dañs.

Muzik Dañs Skol

Dizoloiñ

Ar Gevredigezh

Tri filer, un identilezh

Kroeed eo bed Kevrenn Alré ged paotred an hent-houarn en Alrae ; chomed eo a-houde unan ag ar strolladoù “muzik ha dañs” kozhañ er vro, lewezoned ged hengoun Breizh. 75 vloaz Kevrenn Alré a vo lided e 2026. Dre oc’hpenniñ ur pulpitr a zañserion da re ar bagad e deroù ar bloawezhioù 1980, eh a Kevrenn Alré da voud ur strollad heverk e-mesk strolladoù sevenadurel Breizh. Moned a ra Kevrenn d’ ar broioù arall iwez, liez a wezh : a New York da Shangaï, a Bariz da vro Asturia, pe enez Reunion c’hoazh. Abaoe e oa bed kroeed ema pal pennañ Kevrenn Alré mired ha treuzkas gwlad sevenadurel a zouar Alrae, a vro Gwened hag a Vreizh a-bezh. Rag-se e oa bed kroeed àr-lerc’h hor Skol Soniñ ha Dañsal. Taped eo bed maout ar c’hampionad Breizh 8 gwezh ged ar bagad e kengevredad ar sonerion hag 11 gwezh ged an Ollad Muzik ha Dañs e kengevredad an dañserion.

Dizoloiñ

01 Muzik

Ar Bagad

Strollad hengounel a Vreizh saved a vombardoù, a biboù-meur hag a venveger-tos a-orin ; klokaed d’ur pulpitr a dreujennoù-gaol a gas ul liw dispar d’ar sonerezh.

Dizoloiñ

02 Dañs

Ar C’helc’h Keltiek

Strollad dañserien o kenderc'hel gant dañsoù hengounel Breizh en o gwiskoù.

Dizoloiñ

03 Skol

Skol soniñ ha dañsal

Treuzkas sevenadur Breizh d'ar rummadoù nevez dre ar sonerezh hag an dañs.

Dizoloiñ

Abadenn

Hon Abadennoù

7 abadenn evit kontañ Breizh

Arz er-maez

Marc’h Du

Komz a ra hon arwest ag ar jourdoul ganed a zonedigezh an tren en Alrae, pezh en doa chañjed braz buhez ar c’horn-bro. Lakaad a ra àr-wel paotred an hent-houarn daed da voud saverion Kevrenn Alré.

Treujennoù-kaol er fest-noz

Orfeoñ

Mesklaj spered ar fest-noz ha donded son an dreujenn-gaol, ambrouged ged an akordeonour Régis Huiban.

Boked an Alré

Eured

Setu un abadenn kroeed ewid al lec’hioù-gwlad, lewezoned ged lidoù an eured e bro Gwened. Soned ged bombardoù, treujennoù-kaol, kern-boud ha benweger-tos.

Tañva an dañs hag ar muzik

Kevrennig

An ollad Muzik ha Dañs endan ur stumm skañvoc’h ewid tañva hor sevenadur dre an dañsoù, ar muzik hag an dilhad mod kozh.

Prezegenn diàr ar binïoù braz

Korn Boud

Un abadenn é kontiñ istoar ar sonadeg ag ar pib-meur en 20ved kantved, enni sonerezh, prezegadennoù ha fiñvadennoù.

Kompagnonezh Kouhann

eVned

Pa gej an dañs a-vremañ ged ar sonerezh a Vreizh ewid ergerzhed hol liamm ged an Natur, lewezoned ged kan an evned.

Glad gwiadoù

Diskouezadeg

Lakaad a ra an diskouezadeg Gwiad àr-wel ar merserezh (boutonioù, galonioù, dantelezh, neud). Kement tra munud na vez ked gweled d’al liesañ, med kement tra munud a ra an dilhad. Diàr pezhioù dastumad Kevrenn Alré, pezhioù dibaot pe testenioù tud a-vicher, gwrait anavedigezh ged tu-gin gwiskamantoù mod kozh.

Darvoudoù

Hon Emgavioù

Darvoudoù pemdeziek Kevrenn Alré

Bep bloaz

Asamb’ en Alré

Asamb’ en Alré zo bed kroeed e 2019 dre c’hoant ti-kêr an Alrae ha Kevrenn Alré kas àr-raog ar gwlad dañsed, kaned ha soned a zouar an Alrae. Un dewezh durc’haed douzh hor sevenadur hengounel ha digor d’an oll, a beb sort orin hag a beb sort oad, dañserion, sonerion pe kanerion eo Asamb’ en Alré ; setu pezh o deus saved Kevrenn Alré, àr-un-dro ged aktourion sevenadurel douar Alrae, ged an c’hoant gwellaad dasparzh hor sevenadur hengounel. Daed eo da voud fonnabl a-walc’h ur penndarvoud bloaz ged un identelezh hag ur sked sevenadurel, hag anzaved er rannvro : abaoe an diwved abadenn e oa daed hor c’hevezadeg da voud un dro-skarzhiñ ewid Kampionad Breizh ar sonerion hag an dañserion hengounel e Gourin. Da c’houzoud muioc’h : asambenalre.ka@gmail.com